Kam chibynta wow pynkrehkaam ya ka hukum wow khang noh yei pynemkaam ya ki Plastic wa pynemkaam du chisien donhi katkam ka aiñ Plastic Waste Management (Amendment) Rules, 2021 wei deiwa bood leh yeiwa pynmih hukum ha ka 12-08-2021 daka Ministry of Environment, Forest and Climate Change yow khang yei dai ya ki Plastic wa pynemkaam du chisien hapoh ka District.
Neiliang u Deputy Commissioner, West Jaiñtia Hills District, Jowai da pynmih u leh ya ka hukum wa ha ka 8 tarik uni u bnai, u P.K. Boro, MCS, Additional Deputy Commissioner, Jowai wa u M.A. Challam, MCS, Extra Assistant Commissioner, Jowai daw lai kynreh ki ya ki dukan wa ki yaw ki haat wa em ha ki bynta ka Iawmusiang.
Ka DD Syngai, MCS, Additional Deputy Commissioner, Jowai wa u W.K. Kharbuli, MCS, Extra Assistant Commissioner daw lai kynreh ki ya ki dukan wa ki yaw wa em ha ki bynta ka Iawthymme, Jowai.
Kam wow pynkynmoo wa ha ka 15-06-22, u DC da pynmih u DC ya ka hukum wow khang noh yei dai wei pynemkaam Plastic hadooh ki mar wa chna lane em Plastic nadooh ka 1 tarik uni u bnai.
Puræ leh: Nadooh ka 1 tarik u khang noh yei pynemkaam Plastic hapoh West Jaiñtia Hills
