U CEM ka JHADC, u Thombor Shiwat ha ka sngi khaddooh ka dorbar mang tangka ka JHADC ynne ka sngi da kular u wow chim noh da ka rai yong ka Executive Committee neibynta wow leh iyi iyi pyrchah ya ki yaaw wym ya krehlang wa ka District Council, khlem da yang de hadooh wow pyndep ya ka aiñ kawa dang em hei pynkhreh.
Yeini da ong u CEM hawa jubab ya ka mat Resolution wa da wanrah da u Awhai Andrew Shullai, hajrong i em ki yaaw ki haat kiwa kreh laitlan khlem da tip ka Council ha kylleiñ ka Ri-loom Jaiñtia wot hawa ka man ko ka bor wa hakhlieh dooh wow pait ya ki yaaw ki haat.
Da ong u wa i yoh laitlan da ktah ko ya ka muna tangka yong ka Council najrong wa da em chwa ko hapyrdi i stang poisa.
Najrong wa ong u wa hei yong sakhiat ym ye wow chna ya kiwon kiwon ki jait yaaw lada toh kiwa khian næ kiwa heh, ki yaaw wa chipor næ kiwa pura khlem da tip ka Council.
Neiliang u CEM da ong u wa neipor cheipor ka Council dadep phah ko dei thoh cha kini ki yaaw tangwa ym bien ki wow ya krehlang.
Discussion about this post