Shillong : Ka lehkmen yei dap 45 snem wa yoh ya ka jylla Meghalaya, daw leh ya ka ha kylleiñ ki district ka jylla.
Ha West Garo Hills daw leh ya ka lehkmen ha District Auditorium, Tura nadooh 10:00 waje i step ha ka 21 Duyatra (January) heiwa u Montri ka tnat Sports and Youth Affairs, u Zenith M Sangma daw man u kam u Kongsan.
Ha ka jooh ka sngi daw lehkmen yei dap 150 snem ka chnong Tura, ya kawa daw pynkut ha ka 1 Kmaichonglad (December ) 2017.
Daw saam leh ya ka (L) Smt. Yamuna Naik Awards 2016 cha ki khynnah wa pass bha ha ka exam Class X yong u snem 2016 wei daw pynkup burom leh ya ka Fridina K Marak wa ya u Biswajit Nandi.
Ha Ampati, South West Garo Hills u Montri Rangbah ka jylla u Dr. Mukul Sangma daw man u kam u kongsan.
Ha kani ka sngi daw em boon ki program kam ka Meghalaya Day Run na Ampati Students’ Field heipor 7:00 waje i step, u sdang ya ka Gramoday Football Match, wei daw pynkut ya kani ka sngi da ka Peace Concert.
Ha Jowai, West Jaiñtia Hills, daw em leh ka lehkmen ha District Library Auditorium heiwa u Robinus Syngkon daw man u kam u kongsan. Da pyntip leh wa daw em ki program wa ha rukom ha kani ka sngi.
Discussion about this post