Jowai: Ka Khasi Students’ Union (KSU) da pyntip ko wa daw kynmoo warom ko ya ka lyngkhooh sngi yap wa 24 yong u Bull N. Lyngdoh (President, KSU 1984 – 1989) kawa haap ha ka 7 tarik uni u bnai wei daw pynman ya ka yalang ha khmat u mot dur yong uni uwa yakhkhmat ka seiñ uwa em ha Malki hajan ka Shillong Law College.
Ya kani ka yalang daw sdang nadooh 9 waje i step, wei da kyntu ya waroh ki chnat krehkaam wow wan ki heipor.
Da khut lang leh ya waroh ki dkhot ka seiñ kiwa da chong ngiah wow emlang ki ha kani ka sngi ka wow man leh kam ka lynkhooh snem wa 40 yong ka seiñ.
Chooh chooh, ka KSU Malki Circle kam ka dak wow pynsah kynmoo da pynman ko ya ka 8th B. N. Lyngdoh Memorial Open to All Football Tournament ka wow pynhaap pyrda ha kani ka sngi ha madan Malki.
Ka yakhun Final u man ko hapyrdi ka Khasi Students’ Union – Jaintia Hills District Unit wa ka Ksan Rngiew FC.
Ka KSU daw lai booh syntu ko leh ha u mot thaw tlep ya u Bull N. Lyngdoh ha Malki heipor 10:00 waje i step.
Discussion about this post