Jowai: U Commissioner & Secretary ka sorkar Meghalaya yong ka tnat Transport da pyntip u wa katkam wa da pynmih hukum ka Supreme Court ka ri wa ym chah de ya ki yung bichaar wow pynlait ya kiwon kiwon ki jait kari kiwa em ha ka yatyrrah heiwa da em kiwa khlaad, kiwa mynsoo wei chah tyrrah ki yung ki sem, ki chram wa kiwi kiwi.
Yeini u leh lada ki tre kari ym em biang ki ya ki Third Party Insurance hanlada da hun ki pulit wow pynlait ya ka kari kat wym pu pynbiang ya ka Insurance wei lada ym pu su ki ya kiwa chah ktah kam ha ka ya tyrrah kari wa kiwi kiwi.
Lada ki tre kari ym ye ki u pynbiang ya ka Insurance hapoh le bnai nadooh wa dep ya ka takit da u Investigating Officer ya ka kari toh u dai lilam ka da ki Magistrate wa kreh hapoh i thaw wa jia i tyrrah kari wei ka poisa wa mih na ini toh u e cha ka Claims Tribunal.
Ka Tribunal hadien wa yoh ya kani ka poisa hapoh khatsan sngi daw chong bichaar ko heiwa katwon u su ya kiwa chah ktah.
Discussion about this post