Shillong: U Deputy Commissioner, North Garo Hills District da pyntip u wa u mooyong wa da kem da ka Kharkutta Police Station, North Garo Hills daw lilam noh ya oo cha ki bru samen wei kiwa kwah u thied ya oo ye ki wow e ya ka Application haka kot sada deiwa biah ya ka Court Fee kawa T. 1000.
Ka tarik wa khaddooh wow pdiang ya ka Application toh ha ka 22-11-2019 hadooh 3:00 waje nohchariñ ka sngi.
Ya ki application daw wai ha ka jooh ka sngi hei sakhia kiwa kwah u thied ya uni u mooyong.
Chooh chooh kiwa kwah u thied ya u mooyong ye ki wow sylli ya u mooyong na i thaw pynhaap namo u pait ya ka Assessment Report wa sorjamin da u District Transport Officer kawa em ha yung krehkaam u Deputy Commissioner’s Office ha ki kynta krehkaam wei ka yung krehkaam ym bahkhlieh ko ya i boon namo duna u mooyong wa da chah kem.
Ya ka yutip wa bniah ye u yoh na u Deputy Commissioner, North Garo Hills District, Resubelpara.
Discussion about this post