Jowai: U montri rangbah ka jylla, u Conrad Sangma ynne da pynbna u wow khang sbak namo daw Lockdown ya ka Shillong ha ka 13 wa 14 tarik uni u bnai.
Yeini da leh hadien wa ku syndet kiwa chah ktah ha uni u khñiang COVID-19 khamtam ha Shillong wei ini daw pynsuk i ya ka sorkar wow booddien (Contact Tracing) ya kiwa yajan wa kiwa yoh ya u khñiang COVID-19.
Katkam wa man ynne da em 236 ngut kiwa dang chah ktah ha uni u khñiang hapoh ka jylla.
Kamtæ u Conrad da kyntu u leh ya ki paidbah wow krehlang wa ka sorkar ha kini ki sngi wei ka Night Curfew daw pteiñ hi ko kamwa jooh.
Ha ki thaw wa marjan waka Shillong leh u em ki hapoh ka Curfew hadooh 6 waje i step ka 15 tarik uni u bnai.
