U Montri wa pait ya ka chnat Public Works Engineering (PHE), u Renikton L Tongkhar da ong u wa ka chnat da em chwa ko ya ka thong krehkaam namo ka Plan wow yoh um ha New Shilllong Township, heiwa da ong u wa ka mang tangka toh lyngba ka Atal Mission for Rejuvenation and Urban Transformation (AMRUT).
Da ong u wa ka mang tangka ha ki por wa dadep man ko T. 200 klur neibynta wow pynpoi umkor ha New Shillong, boi ya kani ka mang tangka daw ye u pynbait thymme biang ya ka, wei kani ka Scheme daw man ko neibynta waroh ki chnong kiwa em ha NST.
Heiyatoh wa ka Greater Shillong Water Supply Scheme, Phase III, u Renik da ong u wa hadien wa da khut wei wow yaklam wa ki Contractor, waroh da kular ki wow pyndep noh ya ka GSWSS-III hapoh uni u snem.
