Ka Ministry of Health & Family Welfare ka sorkar India da pyntip ko wa da e mynkna ko yei dawai tika COVID-19 cha ki jylla wa ki UT wa em hapoh ka ri najrong wa da pynkhlan yei ye u pynmih wei wow pynpoi ya ini i dawai.
Da khana wa ha kani ka Phase 3 i e dawai tika kawa da sdang nadooh ka 1 tarik uni u Naisan, man-u-bnai da booh 50% na waroh ki tika wa da pynmih u chim cha ka sorkar India wei kini daw pteiñ u e mynkna cha ki sorkar jylla kamwa da leh nachwa.
Ka sorkar India da dep ko wow e mynkna palat 20 klur sien (Dose) iwa da poi 20,28,09,250 sien ya ini i tika. Deiwa kheiñ lang wa iwa sepai khlem pynemkaam da poi waroh 18,43,67,772 sien wa da dep e ya i tika nadooh 7 waje i miet ynnin ka 16 tarik.
Da sah sa 1,84,41,478 Dose wa ki jylla/UT kiwa ym pu em e wei daw phah sa 50,95,640 Dose cha waroh ki jylla wa UT ha kini ki 3 sngi.
