U Rajesh Kumar Sinha uwa man leh u Special Secretary ka Ministry of Ports, Shipping & Waterways, ynne da ong u wa ki jhaad kit Liquefied Petroleum Gas (LPG) wa kit ya 94,000 Metric Tonne ka la’ær chet da lai luti ki deiwa suk na Strait of Hormuz hapyrdi wa pteiñ ka thma ha West Asia.
U Rajesh da ong u wa ka jhaad BW Tyr wa ka BW Elm dang em ki ha luti wei daw poi ki ha India ha Mumbai ha ka 31 tarik u March wa ha Mangalore ha ka 1 tarik u April.
Ini wan i hadien wa hiar thma ka Israel wa ka United States ya ka Iran heiwa ka Iran da rai ko wow pynlait du ya ki jhaad ki lok yong ka na kani ka luti duriaw (Strait of Hormuz).
Da pyntip u wa ki jhaad ka India da yoh ki wow mih na kani ka Strait wei ha kini ki sngi wa dadep leh da em ki jhaad wa poi ha India ha ki rood duriaw ka ri wa em ha liang sepsngi.
Chooh chooh da pyntikna wa em 18 tylli ki jhaad wa mantre namo wa Register ha India kiwa em 485 ngut kiwa kreh na India wei katni dang em ki ha Persian Gulf.
Heijooh i por da ong u wa ki thaw sangeh ki jhaad namo ki Port ha India man kiwa krehkaam pura hadooh kini ki sngi hanla em i thut neidaw ka thma.
Discussion about this post