Ka India Metrological Department (IMD), Metrological Centre, Shillong da pyntip ko wa daw pteiñ u slap hadooh ka 7 tarik uni u bnai.
Ynne ka 3 tarik u slap da hiar u ha kiwa boon ki thaw ka West Garo Hills, North Garo Hills, East Khasi Hills, West Jaiñtia Hills wa East Jaiñtia Hills wei daw joor u ha South West Khasi Hills. Daw hiar u leh ha ki kattu katni ki thaw ka South West Khasi Hills, South Garo Hills, East Garo Hills, West Khasi Hills wa ha Ri-Bhoi.
Ha ka 4 tarik u slap daw joor u ha kiwa boon ki thaw ka South West Khasi Hills, East Khasi Hills, West Jaiñtia Hills wa East Jaiñtia Hills wei daw slap leh ha kiwa boon ki thaw ka East Garo Hills wa South Garo Hills katwa ha kiwi ki District daw hiar ha ki kattu katni ki thaw.
Ha ka 5 tarik u slap daw hiar u ha kiwa boon ki thaw ka South Garo Hills, South West Khasi Hills, East Khasi Hills wa West Jaiñtia Hills katwa ha kiwi ki District daw hiar ha ki kattu katni ki thaw.
Ha ka 6 tarik u slap daw hiar u ha ki kattu katni donhi ki thaw ka jylla wa boon dooh ha South West Khasi Hills wa East Khasi Hills.
Ha ka 7 tarik daw hiar ha ki kattu katni ki thaw ka West Garo Hills, South Garo Hills, South West Khasi Hills, East Khasi Hills wa West Jaiñtia Hills.
I chit dooh ynne ka sngi toh ha Baghmara 29.4ºC wa ha Williamnagar 29.4ºC, Tura 29.2ºC, Shillong 22.7ºC, Nongstoin 22.3ºC, Sohra 20.7ºC wa ha Jowai 19.8ºC.
