U DC ka North Garo Hills da pynbna paidbah u wa ha ka hukum wa da pynmih da ka yung bichaar ka Meghalaya High Court ha ka 23 tarik uni u bnai da ong wa ka yung bichaar daw booddien ko yow ye u jop yei artatien ki paidbah wow chim tika yow ye wa waroh kiwa da toh hok u yoh tika u yoh ki heipor wa biang katkam wa da booh thong ka jylla.
Ka hukum da ong ko leh wa lada em kiwon kiwon ki bru/seiñ kiwa pyrchang wow pynpoor ya ka yutip wa yahbakla ya ki paidbah wym krehkaam i tika, ki bor sorkar toh u pynchitom ki wut wut ya kini ki bru katkam ka aiñ deiwa pyntip leh cha ka yung bichaar hajrong ini.
Kamtæ kam chibynta wow pynkrehkaam ya ka hukum ka Meghalaya High Court da pyntip paidbah wa lada em kiwon kiwon lada ki bru samen lane ki seiñ wa pyrchang wow yahbkla wa ym krehkaam i tika hapoh ka jylla lane hapoh ka District, ki bor District ka North Garo Hills daw pynchitom ki ya kini deiwa pyntip leh cha ka High Court.
Neiliang u SP ka West Khasi Hills leh da ong u ya i jooh wa lada em kiwa pynpoor ya ka yutip wa yahbakla heiyatoh wa i tika, neiliang ka yung krehkaam yong oo da phah ko ya waroh ki Police Station/Outpost wow leh ki chisyndon katkam ka aiñ pyrchah ya kini.
Ya ini i jooh leh da pyntip da u SP ka East Khasi Hills.
