Ka DC ka East Khasi Hills da pynmih hukum ko ynne ka sngi wa neidaw wa da yoh ujor ko wa em boon ki wym bood ya ki kyndon yada COVID-19 da ki Local Taxi, kamtæ da phah ya waroh kiwa yah Taxi wow bood ki ya ki kyndon nadooh katwon ngut wa chah u kit bru katkam wa da booh da ka chnat Transport, u deiñ ya ki Mask ha waroh ki por wei wow pynemkaam ya ki Hand Sanitizer dei langær.
Ki paidbah wa chong kari yei wow lai ujor cha ka yung krehkaam ka DC lane cha ki Police Station lada chem wa em kiwa yah kari kiwa tyngkheiñ kyndon.
Chooh chooh da phah wa toh u booh yei dor kari katkam wa pynbna da ka chnat Transport hapoh kari.
U District Transport Officer toh u lai sylli u yeini neipor cheipor wei ye wow pyndam yaka License kiwa leh pyrchah.
