Jowai: Ka dorbar chnong Lapangap pyllun daw pynman ko yei kreh yong chnong ya u sarok na Lapangap chadooh Khanduli ha ka 14 wa 15 tarik uni u bnai neidaw wa da joor sih palat uni u sarok uwa man leh u budloom yong ka chnong.
Kamtæ da kyrpaad ya ki malik wa kiwa yah kari kiwa wan kamai cha kani ka chnong Lapangap wow ya krehlang wa ka chnong ha kini ki ar sngi wa ym ye ki u wan ha ka 14 tarik wei hap ki wan ha ka 15 tarik.
Da kyrpaad ya ki malik wa kiwa yah kari kiwa na ka chnong Nartiang, Mynsngat, Ksehryngchang, Moobakhon, Namdong, Umjalisiaw, Mukoh, Khonsaroo, Saitsama wa Khanduli wa lada em ki tre kari wa kiwa yah kari ki wym ye u pait ya kani ka khubor wow pyntip lang cha kiwi ki wym tip.
Lada em ki kari ki wym wan ha kani ka sngi kreh yong chnong, ka chnong ym chah de ko ya ki wow wan kit mar, kamtæ da kyrpaad ya ki tre kari wa kiwa yah kari wow ya krehlang waka chnong khnang wow miat u bha u sarok.
Ya ka yutip wa rap bniah ye u phone ha u No. 9612081871.
Ini toh katkam wa pyntip u Secretary chnong Lapangap u Saikial Sumer.
Discussion about this post