Jowai: Ka Yesterday Sports & Cultural Club daw pynman Fete ko neibynta ka 7 Wasa United FC ha ka 11 wa 12 tarik uni u bnai ha Madan Dai Masi Ladthadlaboh.
Ha ka 11 tarik nadooh i por 11 waje i step daw em ka Dancing Competition yong ki khynnah wa em hapoh i rta 15 snem wei kiwa jop u yoh ki T. 5,000, wa ar T. 3,000 wa le T. 2000.
Ha i miet daw em ki dhab tem wa pawnaam napoh ri-loom Jaiñtia wa tip kam ki Modern Extricate wa u DJ Kobe na Shillong.
Ha ka 12 tarik won nadooh i por 11 waje i step daw em ka Dancing Competition (Open to all) heiwa kiwa jop daw yoh ki T. 7000, wa ar T. 5000, wa le T. 3000.
Ha kani ka miet nadooh i por 6 waje daw em ki dhab tem na ri-loom Garo kiwa tip kam ka “Haystack Ladies” heiwa waroh ki dkhot toh ki kynthai. Daw em leh sa ka DJ kynthai wa tip kam ka DJ Yanny na Arunachal Pradesh.
Ka Bumper Housie Round ha kani ka miet u man ko T. 30,000. Daw pynkhle leh ya ka Lucky Draw heiwa ka 1st Prize man ko T. 1 Lak, 2nd Prize- Scooty, 3rd Prize- Sports Bicycle , 4th Prize-Rs. 5000, Consolation Prize-Mobile Phone (5 Nos.).
Discussion about this post