Daw pyndep takit ka MBOSE yei lait tooh ka result hapoh 10 sngi

Tura: Ka Meghalaya Board of School Education da ong ko wa da chimkhia ko yeiwa lait tooh ka result ka SSLC ynnin ka 22 tarik kawa toh u mih ynne ka 23 heipor 10 waje i step.

Ka result wa mih toh du ya kiwa poi ha ka kyrdan yong kiwa poi cha ka “Top 20 Merit List” wei ya ka result hi waroh kawi ym em lait tooh wei ya ki marks wa yoh ki khynnah ym em wa yoh u pynkylla ya ki.

Ka MBOSE da pyntip ko wa daw pynman da i takit ka wow khlieh da u Walpeter Roy Lyngdoh, IAS, Secretary, Education yow chem tre neiwon mih kini ki PDF File wa yoh ki bru u download wei wow ya saam ki lyngba ka Facebook wa ka WhatsApp.

Ya kani ka takit u pyndep hapoh chiphaw sngi wei daw booh ya ki kyndon wow yada yow lait u jia biang kamni neini chakhmat.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ya ka result SSLC wa ka HSSLC toh kawa da dep pynkhreh nadooh ka 18 tarik uni u bnai wei da bood ya waroh ki kyndon wow pyntikna wym jia iwon wa bakla wei ini i jia toh iwa rap khyllah.

Cha ki website wa pynmih ya ka result deilang wa ka MBOSE da phah ya ka Result 15 minit chwa wow pynmih paidbah wei da kytntait leh wa emkti kiwa kreh ka MBOSE heini i lait tooh ka result.

Ini toh katkam wa pyntip u Chairman ka MBOSE u P. Bakshi.