U Executive Engineer, Jowai Distribution Division ka MePDCL da pyntip paidbah u wa neidaw wa em i kreh yow pynchna wa jhan (O&M Works) ha ka 132/33 kV Mustem Grid Sub-Station, daw pyndooh bordiñ ha ka 24-04-2021 nadooh 10:00 waje i step hadooh 4:00 waje i janmiet.
Ye leh wow e bordiñ chwa i por wei ini chong i lada smat dep i kreh.
Ki thaw wa daw chah ktah toh ka chnong Jowai, Nangbah, Ialong wa ki chnong wa yajan, Sohmynting, Mukhla, Ummulong, Wahiajer, Nartiang hadooh Khanduli, Mowkaiaw, Shangpung, Thangrain wa ki chnong wa yajan, Amlarem, Dawki wa ka War-Jaiñtia.
Kamtæ da kyntu ya ki paidbah wow man ki kiwa yaichah.
