Neiliang u Secretary ka sorkar Meghalaya Home (Police) ynne ka sngi da ong u wa da yoh yutip ka Police Headquarter wa i awri awra daw ye i wow ktah ya i chongsuk wa i chngaaiñ ha East Khasi Hills District wa kiwi ki District wa yajan wa ka.
Ki Messaging System kam ki SMS wa WhatsApp wa kiwi ki Social Media kam ka Facebook, Twitter wa YouTube ye u pynemkaam ya ki kam ki laad wow pynpoor yutip deiwa phah ya ki dur ki Video wa ki SMS iwa daw ktah bha i ya i chongsuk chongsaaiñ.
Kamtæ hajrong ini khnang wow pynneh yei chongsuk, da pynemkaam ya ka Section 5(ii) yong ka Indian Telegraph Act, 1885 wa ka Temporary Suspension of Telecom Service Rules, 2017 deiwa rai wow pyndam ya ka Internet neibynta 48 kynta nadooh myntu i janmiet 6:00 waje ka 15 tarik ha ki 4 District ka jylla wa kynthup ya ka East Khasi Hills, West Khasi Hills, South West Khasi Hills wa Ri-Bhoi District.
Ka Internet wa daw pyndooh toh ki Mobile Internet/Data Services yong waroh ki Service Provider.
Kiwa leh pyrchah ya ini daw pynchitom ya ki katkam ka kyndon Section 188 IPC wa kiwi ki kyndon ka Indian Telegraph Act, 1885.
