U President ka Meghalaya Pradesh Congress Committee (MPCC), u Vincent H Pala da ong u wa ki paidbah ha ka jylla da ngiah ki ya ka sorkar wa katni hapoh ka Meghalaya Democratic Alliance (MDA), neibhah wa ym em u leh ko iwon iwon wei man ko kawa baam-tooh, i ku dor ki mar, i rukom krehkaam ki Montri sorkar heiwa da chim yei bor du ha ki kattu katni ngut donhi.
Da ong u wa ka Congress ym artatien ko wow jop boon ngut ki MLA ha ka Election MLA ka wow man ha u snem 2023, neibhah ka sorkar wa katni ym em u leh ko iwon iwon nadooh wa synchaar ko.
Chooh chooh da ong u wa ki paidbah da pyndoohbor ki ya ka Congress wa da synchaar 10 snem wei ya kani ka sorkar leh daw pyndooh noh hadien 5 snem neibhah wa ya i bor ki paidbah ymye wow thied næ pynbiej.
