Daw pynemwarom ya ka Foundation Day ka Seiñ Raij Raliang

Jowai: Ka Seiñ Raij Raliang daw pynemwarom ko ya ka Foundation Day yong ka ha ka 23 wa 24 tarik uni u bnai ha Madan Seiñ Raij Chrah-Umphula Raliang.

Da pyntip wa ha ka 23 tarik u pyndep ya ka lehniam kñia ya ka Chrah-Umphula Madan Sein Raij katwa hei miet nawon u pyndep ya ka Khohpoit Niam, ya Pyllah Niam, u klam khlem pynkhreh hajrong ki phang wa daw e (extempore speech), wa kiwi kiwi ki.

Ha ka 24 tarik won u yoh i sñein i kroo na ki waheh wasian wei daw pynman ya ki chaad ki rwai tynre wa ha rukom.

Kamtæ Seiñ Raij Raliang da kyrpaad ko ya ki khon ka Raij kamjooh kiwi kiwi na kiwi ki Raij wa ki Elaka wow wan cha kini ki sngi yow pynphooh pynphieñ ya kini ki sngi.

Related posts

Pynyoo ki khynnah yei sap wow pynlai ya ka Lympung wa kyrpang yong ki ha Tuber Shohshrieh

January 18, 2026

Daw pynman ya ka Lympung wa 29 ka Seiñ Kyntu Seiñ Raij 12 Daloi ha Seiñ Raij Nongtalang

January 15, 2026