U Deputy Commissioner ka West Jaiñtia Hills da pyntip u wa ka chnat ka sorkar jylla wa tip kam ka GIS & UAV Centre daw pynman ko ya ka sorjamin wa tip kam ka Unmanned Aerial Vehicle (UAV) & Differential Global Positioning Systems (DGPS) Survey neibynta ka chnong Jowai.
Ya kani ka sorjamin daw pynman nadooh ka 25 tarik uni u Naikhynde hadooh ka 4 tarik u Naichiphaw, 2023 heiwa daw pynhær ya ki Drone (UAV) wei daw em leh kiwi ki bru kiwa da em ha khyndaw kiwa daw chim yukheiñ.
Kamtæ u DC da ong u wa yeini da e bor wow leh da u Kishore Kumar, Consultant State GIS & UAV Centre yow pynhær ya kini ki UAV ha chnong Jowai ha kitai ki tarik.
I thong kani ka Survey toh yow tip kammon wow pynbha pynmiat ya ka chnong Jowai deiwa chna ya ki High Resolution Map & Land Use Land Cover (LULC) Data.
Iwa mih na kini daw yarap ko wow chim ya ki rai ya iyi wa ye u leh wei wow wanrah hapoh ka chnong Jowai.
Discussion about this post