Daw pynjoor chooh chooh yaka yakhih pyrchah yaka CAB lada ym ap ka sorkar pyrdi yei dawa: NESO

Shillong: Ynne ka sngi kam chibynta wow pynman yaka yakhih wa khut daka NESO yow pyrchah yaka Citizenship Amendment Bill (CAB) kawa wanrah daka sorkar pyrdi, ka Khasi Students’ Union (KSU) wa Garo Students’ Union (GSU) kiwa em leh hapoh ka North East Students’ Organization (NESO), da pynman ki da ka chong kyllaiñ myngngor ha thaw pynyieñ kari ka Additional Secretariat.

Da phah leh yaka dorkhat cha u Prime Minister wa u Union Minister of Home Affairs lyngba u Lat ka jylla hajrong i ktah ka CAB ya ki paidbah ka thaaiñ mihsngi.

U Chairman ka NESO u Samuel Jyrwa hawa yaklam u wa ki laad pathai khubor da ong u wa ini toh wow pynyoo yei pyrchah yei thmu ka sorkar pyrdi wow wanrah ya kani ka Bill ha kani ka dorbar tlang ka Parliament wei ini i yakhih dang man ko ka bynta wa nyngkong donhi wei daw pynjoor chooh chooh yaka.

U Jyrwa da ong u, “Lada ka sorkar pyrdi chah ko ya ki nong Bangladesh wow psiah pyrchah yaka aiñ namo katkam ka aiñ, waroh ki paaid ka thaaiñ mihsngi daw man ki ki khian paaid pyn hapoh ka chnong ka thaw ka yong ki.”

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hawa kylli wa lada ka NESO u pdiang ko lada pyllait yaka thaaiñ naka CAB, u Jyrwa da ong u wa i pyrchah i ya kani ka Bill wei chong haka sorkar pyrdi kammon u pynkrehkaam ko ka deiwa pyrkhat ya ki paidbah kamjooh wow yada ya ki wei dep neitæ daw pait won i.

Da khut u leh ya waroh ki jylla ka thaaiñ mihsngi hadooh ki seiñ saiñ hima wow man ki kiwa ya tylli yow lait u chah ktah ki paidbah kani ka thaaiñ.

Neiliang u KSU General Secretary u Donald V Thabah da ong u wa ym toh u sñiawthoh bakla wa ini i yakhih wa kattæ kawa jai jai wa ka NESO ym em yieñ ko deiwa khor pyrchah yaka CAB.

“Ha kini ki sngi daw pynjoor i yakhih lada ka sorkar India ym ap ym sñiaw ko yei dawa wei daw hap ko wow kitkhlieh lada jia iwon iwon hapoh ka thaaiñ mihsngi waroh kawi,” da ong u.

Hawa kylli wa lada ka KSU pdiang ko yaka Meghalaya Residents, Safety and Security Amendment Ordinance, 2019 wa da mynjur da ka Meghalaya Cabinet wei heijooh i por leh dang em hi i dawa yaka ILP.

“Lada ye toh u em chooh chooh ki aiñ wow yada ya ki paidbah kiwa khian paaid ka thaaiñ mihsngi,” da ong u.