U Montri Rangbah ka jylla, u Conrad K. Sangma da ong u wa da pynkhreh ya i rukom krehkaam thymme wow pait yei psiah wei mih ki bru na baar jylla chapoh ka Meghalaya.
Hawa kylli lada ka sorkar thmu ko wow pait biang ya ka Meghalaya Residents Safety and Security Act (MRSSA) deiwa wanrah da kawi tawon ka aiñ, u Conrad da ong u wa dang yaklam yeini.
Da ong u wa hawa pait bniah ya waroh da emkaam wow wanrah yei rukom krehkaam wa khlan heiwa da chem chitom heiyatoh wa ka MRSSA. Kamtæ da ong u wa da yaklam yillu yeini wa ka chnat Aiñ, ki Montri wa ki sahep sorkar wow pyrkhat kammon u leh.
Chooh chooh da ong u wa ympu miat u ong iwon iwon hajrong ini katni neibhah wa da pynkhreh yeini waroh wei manda dep daw wanrah haphrang ki paidbah wow e buit ki.
Ha i lai u Conrad cha Delhi ini wadep heiwa da yachem u wa u Home Minister, u Amit Shah wow yaklam hajrong kiwa boon ki bynta wa ki kaam pood.
Hajrong ini da ong u wa da yaklam hajrong i man i long ha khappood Assam-Meghalaya wa ki kaam ha khappood India-Bangladesh wei heiyatoh wa i chongsuk wei toh i kaamram u Chief Minister wow khana yei man i long ha u pood.
Discussion about this post