Daw pynkup burom ka EJPUF ya ki khynnah skur ka East Jaiñtia Hills

Kam chibynta wow pynchlur ya ki khynnah skur, ka seiñ East Jaiñtia People’s United Front (EJPUF) daw pynman ko yaka pynkup burom ya ki khynnah skur kiwa da leh bha ha ki Exam yong ki ha ka SSLC wa ha ka HSSLC kiwa yoh 70% chaneiñ wei ya ini u leh du ya ki khynnah kiwa haap hapoh ka East Jaiñtia Hills District.

Ya kani ka pynkup burom daw pynman haka 22 tarik uni u bnai ha Khliehriat West Community Hall ha i por 11 waje i step.

Ki khynnah kiwa kwah wow yoh ya kani ka pynkup burom ye ki wow thoh da ka Application deiwa sooh lang ki Marksheet, Certificate deilang wa kiwi kiwi ki kot ki sla wa emkaam wow soohlang.

Ha i jooh i por ka seiñ EJPUF Central Body daw pynman ko yaka Awareness Program yow pynche paidbah hajrong i maa ki drug wa i kiad wa ki jaitdih wa sih ha ki chnong ki thaw.