Jowai: Ka Jaintia Youth Federation (JYF) daw pynman ko ia ka “Excellency Awards 2015” ha uni bnai October wa daw wan.
Ia kani ka e-khusnam ka seiñ u sam ko ia kitu ki khynnah puræ na ka ri-loom Jaintia kiwa pass bha ha ki eksamin wapher wapher nadooh ki SSLC, HSSLC, BA, B.Com, B.Sc, BE, B.Arch, B.Tech. BBA, MA, MSc, MA, MCom, ME, MTech, M.Arch wa ka MBA.
Ia kiwa pyndep ia ki kyrdan SSLC wa HSSLC u pdiang dooh ia kiwa ioh 80 % percent cha neiñ wa 65% percent ia kiwa da ioh ia ka kyrdan degree wa ka master degree.
Ka JYF da kyrpad ko ia khynroo khyllood u phah ki ia ki marksheet wa ki certificate wa da dep attest cha u President lane Secretary ka seiñ lane ha ka ophis ka seng ha Lad Mookyrdup Jowai ha chwa ka 5 tarik u bnai October 2015.
Iow ioh i jingtip wa rap bniah ye phi u phone ha kini ki nomber 9612623178 / 9089594811/ 9612428719 / 8575705568.
Pyman ialang ka SRS East Jaintia
Jowai: Ka Synjuk Rangbah Shnong East Jaintia Hills District, daw pynman ko ia ka General Meeting mynstep ka 25 tarik ha i por 10:00 i step ha iung club ka Khliehriat West.
Kamtæ ka seiñ ka synjuk da kyrpad ko ia waroh ki para rangbah chnong iow pyllait por ki u iawan cha katai ka ialang katkam i por wada booh. Ha kani ka ialang daw iaklam ia ki kam ka Synjuk, kiwa kynthoop iaka pynsniaw ia ka rai ka E.C. haka 15.09.2015. Daw iaklam leh hajrong ka phang Implementation of National Food Security Act 2013 kawa da em jingthut kat kam i chem kiwa boon ki rangbah shnong wa kiwei de ki phang.
Kani man ko katkam i pyllait khubor u General Secretary ka SRS-EJH u ma P.Dkhar
Discussion about this post