Jowai: Kam chibynta wow pynku yei puræ puthi ha Ri Loom Jaintia ka Jaintia Youth Federation (JYF) daw pynman ko ya ka “Excellency Awards 2015” næ ka prokram pynkup burom ya ki khynnah kiwa da poi cha khmat ha ki eksamin wapher wapher ha kani ka 6 Khonchonglad ha District Library Auditorium, Jowai.
Ha kani ka sngi u Montri wa toh u pait ya ka tnat PWD u ma Sniawbhalang Dhar daw man u kam u kongsan katwa u CEM ka JHADC u ma Thombor Shiwat daw man u kam u symbood kongsan.
U President ka seiñ u ma Poipynhun Majaw da pyntip u wa daw em hadooh palat 40 ngut ki khynnah kiwa daw chah pynkup burom ha kani ka sngi.
Ya kani ka sngi pynkup burom ka seiñ u saam ko ya kitu ki khynnah puræ na ka ri-loom Jaintia kiwa pass bha ha ki eksamin wapher wapher nadooh ki SSLC, HSSLC, BA, B.Com, B.Sc, BE, B.Arch, B.Tech. BBA, MA, MSc, MA, MCom, ME, MTech, M.Arch wa ka MBA.
Heijooh i por u ma P. Majaw da kyntu u ya waroh kini ki khynnah ki wow chah pynkup burom wow sniawbha u poi ki cha ka District Library Audiorium chwa k 11:00 i step.
Discussion about this post