Jowai: Ka Khasi Students’ Union (KSU) Narpuh Circle lyngba ka Education Cell daw pynman ko yaka saam khusnam (Award) cha ki khynroo khyllood wa puræ ka thaaiñ Narpuh. Ka seiñ kamwa jooh leh man u snem, ha uni u snem leh daw pynman ya ka “8th Mait Shaphrang Academic Award 2019”.
Ya kani ka khusnaam daw saam cha kitu kwa yoh yaka 1st Division ha ka Exam SSLC, HSSLC wa kiwa pyndep yaka krdan Degree waphær waphær yong uni u snem 2019.
U Secretary ka Education Committee u Yooni Muksor da ong u wa i thmu ka seiñ wow pynman ya kani ka saam khusnam toh kam chibynta wow pynchlur wow e mynsien ya ki khynroo khyllood ka thaaiñ yong i.
Ya kitu kiwa puræ ka thaaiñ kiwa da pass ha kitai ki kyrdan wa haneiñ, kiwa kwah wow yoh pdiang ya katai ka khusnam u sñiawbha ki u pynpoi ya ki Marksheet wa ka Birth Certificate da ki Xerox Copy sha u Education Secretary ka seiñ wei ye leh u Phone ha kine ki number wa da e heini, 7005766741(Lumshnong), 6003188099 (Umkiang), 7005194298 (Lumshnong), 8794171032 (Huroi), 8787897288 (Sonapyrdi) ha lane chwa ka 07-09-2019.
Ya ka tarik wow saam ya ki khusnam daw pyntip won hadien wa da dep yoh pdiang ya ki kot ki sla wa emkaam.
Discussion about this post