Ka Meghalaya Football Association (MFA) daw pynkup burom ko ya ka Alisha Lyngdoh wa ka Bonifilia Shullai heipor wa Half Time ka yalehke ka India wa Iran ha ka Women’s Tri-Nations Tournament ha ka 21 tarik uni u bnai wa daw pynman ha JN Stadium, Polo.
Kini ki ar ngut kiwa yalehbol ka Meghalaya toh kiwa da yalehke ya ka India kiwa yoh u psiah cha ka AFC U-17 Women’s Asian Cup China 2026. I khaddooh wa yoh ka India u psiah ha ka AFC U-17 Women’s Asian Cup toh ha u snem 2005.
Ka Alisha wa ka Bonifilia da em ki ha Meghalaya chwa wow pynkhreh ki wow chimbynta ha ka Indian Women’s League wa ki yalehke baar ri.
Discussion about this post