Ka Seiñ Kur Dkhar, Wapung Circle da pyntip paidbah ko wa daw pynkup burom ya ki khon khynroo khyllood ka kur Dkhar kiwa da lehbha ha i puræ puthi kawa daw pynman haka 17-12-22 haka chnong Wapung Chnong, East Jaiñtia Hills.
U President ka Seiñ Kur Dkhar, u Shaniahskhem Dkhar da pyntip u wa ini i pynkup burom toh neibynta ki khon khynroo wa khynnah ka Seiñ Kur Dkhar kiwa haap ha Wapung Circle kiwa kynthup yaka Jalyiah, Khlieh Myntriang, Wapungskur, Wapungshnong, Pamrapaithlu, Pamrakmai, Mokhep, Iongkaluh, Sohkymphor waka Lum Mulieh.
Kiwa daw chah pynkup burom toh kitu kiwa da yoh 75% chaneiñ haka SSLC wa HSSLC, Graduate 60% chaneiñ, Master 60% chaneiñ, Professional Course wa kynthup ya ki MBBS, Lawyer, Engineering wa kiwi kiwi.
Ka Seiñ Kur Dkhar, Wapung Circle da kyntu ko wow pynpoi ya ki Marksheet, ka Certificate wa Residential Certificate hapoh ka 10 tarik u Kmaichonglad (December) 2022 ha u Francis Dkhar-Contact No: +918787777629, u Shaniahskhem Dkhar- Contact No: +916909410432 wa u Kyrshan Dkhar-Contact No: 06909019993.
