Daw pynkup burom ka Seiñ Kur Dkhar ya ki khynroo khyllood wa ki bru wa hakhmat ka Kur Dkhar

Jowai: Ka Seiñ Kur Dkhar, Wapung Circle, lyngba ka wyrta wa da phah da u President ka seiñ, u Shaniahskhem Dkhar, da pyntip paidbah ko wa ka seiñ daw pynkup burom ko ha kani ka tayaw wa kut uni u Khonchonglad (November) ya ki khon khynroo khyllood ka kur kiwa da leh bha haka puræ puthi yong ki ha uni u snem 2019, wei wa kamjooh leh ya ki bru waphær waphær yong ka Kur Dkhar kiwa wanrah ya i sñiawsarong wa i burom ya ka Kur Dkhar. Ya ini u leh du ya kitu ki khon yong ka Kur Dkhar kiwa haap hapoh u pood u ang yong ka Seiñ Kur Dkhar, Wapung Circle.

Hei yatoh wa ini, ka Seiñ Kur Dkhar, Wapung Circle, da khut Application ko na ki khon khynroo khyllood yong ka Kur Dkhar kiwa haap hapoh yong ka Seiñ Kur Dkhar, Wapung Circle, kiwa da yoh 70% chaneiñ ha ka Class-X wa Class-XII lane kawon kawon ka jait puræ kawa yahap kyrdan wa katai kawa da kdaw haneiñ, wei wa kamjooh leh ya kiwa da yoh First Class ha ka kyrdan Graduate wa ka Post Graduate kiwa da dep pynbna Result ha uni u snem 2019 da ki Board wa ki University waphær waphær kiwa da tipmit da ka sorkar.

Ki khon khynroo khyllood wa purea puthi yong ka Seiñ Kur Dkhar, Wapung Circle kiwa kwah wow e pyrtuid (Apply/Nominate) neibynta katai ka pynkup burom toh u thoh wei kdaw che bha ki ha ka kot sada yei pyrtuid, pyrtuid bei/pa, i chnong tre, ka kyrdan puræ, ka skur, ka jait Exam, ka Board/University, ka Percentage, ka Division/Position/Grade, ka snem wa Pass deilang wa ka Mobile Number wei u sooh lang leh ya ka Marksheet, ka Certificate wa ka Residential Certificate dep tæ pynpoi ya ki Application yong ki cha ka seiñ hapoh ka 20 tarik uni u bnai (November). Ya ki Application wa wan palat por ym pdiang de ya ki lada kammon kammon leh.

Hei jooh i por, chirup wa kani ka pynkup burom ya ki ki khon khynroo khyllood ka Kur Dkhar, ka Seiñ Kur Dkhar, Wapung Circle, daw pynkup burom haroh ko leh ya ki bru wa hakhmat yong ka Kur Dkhar, kiwa haap hapoh i kdup yong ka Seiñ Kur Dkhar, Wapung Circle, kiwa man hakhmat ha ki bynta waphær waphær hei im, i long i man, wa ki kaam ki jaam yong ki la ha ka kyrdan puræ puthi namo ha kiwon kiwon ki kaam lane ki bynta kiwa pynyoo che yei long i man wa kyrpang lane wa hakhmat yong ki ha ka kur wa ka imlang sahlang kawa man kam ka burom wei i sñiawsarong ya ka Kur Dkhar dei em yong kam kini ki jaitbru wa hakhmat hapoh yong ka Kur Dkar.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neibynta i tip wa rap bniah hei yatoh wa kani, ye u phone ha kini ki Mobile No: 9615400135,  6009440830, 7630858598.