Daw pynman biang ka ECC yei lai paidbah pyrchah ya ki karkhana Coke

Ka Environment Coordination Committee (ECC) deilang wa ka Women’s Wing yong ka ynne ka sngi da pynman ki ya ka yalang ha chnong Moopala, EJH yow yaklam hajrong i tlot ka sorkar wei yei wym bien ko u ap yei sur ki paidbah yow yada ya ki na i jakhlai wa mih na ki karkhana kiwa em ha ki thaw sah ki paidbah.

Ha kani ka yalang da chim leh ya ka rai wow pynman biang ya ka lai paidbah wei ha kani ka kynti daw man ko kawa rap phær.

Ka ECC da ong ko wa da ngiah ko wow ap yeiwa ong ka sorkar wei yei wym bien ko u leh iyi iyi leh iwa da pynchlur kylla ya ki kaam wa man pyrchah ya ka aiñ wei katkam wa ong u Montri wa pait ya ka Forest and Environment Department, u James Sangma wa waroh i e bor ya ki deiwa e CTE (Consent to Establish) wa CTO (Consent to Operate) toh katkam ki kyndon ka aiñ. Kamtæ ka ECC da kylli ko kam hapoh kiwon ki aiñ wa ka sorkar da e bor ko wow booh ya kini karkhana wa maa bha wow krehkaam ki hapoh ki thaw wa em ki chnong ki bru. Deiwa e nongmuna leh wa ka Supreme Court ka India da pynmih hukum ko ha u 1986 wa ym toh u e bor wow booh ya ki karkhana kiwa maa wow em ki hapoh ki chnong bru.

Da beiñ leh yei ong u Montri Rangbah wa lada em kiwon kiwon ki bru lane ki seiñ kiwa em sabut wa ki karkhana Coke da krehkaam ki khlem biang ki kot ki sla, wa ye ki wow wan chakhmat yow leh ka sorkar yeiwa emkaam. Ka ECC da ong ko wa ym toh iwa phylla ya ini i ong u Montri Rangbah uwa da pynemkaam ya ini i buit yow yada kut wa em ki kaam wa man pyrchah ya ka aiñ hapoh ka jylla. Tangwa u Montri Rangbah won kut wa pynbait por u wow yachem wa ka ECC da pyndam bait u.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kamtæ da ong wa ini waroh toh iwa leh ka sorkar yow pynmankaam yabor wa waroh ki karkhana toh kiwa krehkaam katkam ka aiñ. Heiwa ha kini ki sngi wa da dep khang ya ki karkhana wa tyngkheiñ kyndon da u DC, ka MSPCB won da pteiñ ko wow e ya ki CTO.

Hajrong ini waroh da ong wa kiwa chong chnong da dooh ki yei chaniah ya ka sorkar ka wym bien u yada yei mynsien ki bru wei daw lai noh da kawi ka luti ha ini i por.

Ka ECC da kyntu ko leh ya waroh kiwa leh Benami ya ki karkhana Coke wow sangeh ki wow maham ya ki dkhot ka ECC wa kiwa kyrchaan ya ka wei wow dam noh wow yada ya kiwa na baar kiwa na Assam, Haryana wa Rajasthan yow seiñ khih ki pyrchah ya ka aiñ hapoh ka Elaka Sutnga.