Ka TSL Events Jowai sa chisien daw pynman biang ko ya ka Jowai Local Trade Fair kawa ar sngi ha ka 6 wa 7 tarik u Wisu (March), 2025 ha Tympang Club wa em haneiñ ka SBI Bank, Iawmusiang Jowai, neibynta kitu kiwa em khih dei yong ki hi nadooh kiwa chna tiar, kiwa pynmih marbaam, ki that ki nep wa kiwi kiwi de yow e laad ya ki wow yachem wa kiwa boon kiwa dai wa thied.
Kani ka Trade Fair man ko leh ya kitu kiwa pynmih ya ki mar yong ki na yung na sem, ki wym em dukan yow yoh phi ka rynsan wow pynlai yaaw ya ki mar yong phi kiwa chna phi da ki kti yong phi hi, kiwa chet ha yung phi, kiwa da chna hi nadooh ki tiar pynriam yung, ki sabon, ki mombati wa kiwi kiwi de.
Neibynta kiwa wan thied leh daw yoh ki wow yoo u maad ya ki mar wa rap phær kiwa da pynmih hapoh ka thaaiñ yong i hi yow yarap leh wow pynchlur wow pynlai yaaw ki kamjooh wow pynpawnaam ki.
Kitu kiwa kwah wow booh dukan namo ki Stall ye ki wow leh kattæ deiwa Phone ha ini i Number-7899739904.
Discussion about this post