Ka sien wa le yong ka Meghalaya State League (MSL) u sdang ko ha uni u bnai kam chibynta pynku ya ka yalehbol hapoh ka jylla da ka Meghalaya Football Association.
Da em 25 tylli ki dhab (Club) wa da chimbynta ha kani ka MSL na kylleiñ ka jylla heiwa ki yakhun daw man ki Tura, Mawkyrwat, Shillong wa ha Jowai nadooh 12 tarik uni u bnai.
Ka MSL wa kaddooh wa da pynman toh ha u 2019 heiwa ka Shillong Lajong FC da man ko kawa jop ha kani ka lympung wei da sangeh ya ka neidaw ka khlam COVID-19.
U President ka MFA, u Larsing Ming Sawyan da ong u wa kani ka yalehke da ku bha ko ha jylla heiwa ha ka Men’s National Football Championship namo ka Santosh Trophy ka jylla da man wa ar ko hadien wa rem ko ha ka Karnataka ha ka Final.
Ha uni u snem ka lympung MSL u sdang ko na Jowai ha ka 12 tarik uni u bnai ha Kiang Nangbah Stadium.
Ya ka MSL ha uni u snem da bhah ha ki le bynta kiwa man kamni hawah:
Shillong Zone – Mawlai SC, Jyntru, Seng Samla Laitryngew, Umkseh SC, Langsning SC, Umrit SC
Jowai Zone – Niaw Wasa United, Rymbai Iawpynsing SC, Mulait United FC, Sein Pynbhalang SC, Rangdajied United FC, Ladthadlaboh SC, Youth Club Pdengkarong
Mawkyrwat Zone – Pyndengrei SCSC, Mawten SC, Riangdo YSCA, Seven United SCCC, Lumdiengngan SC, Shillong Lajong FC
Tura Zone – Chipakkore FC, Warima YC, Wasa FC, Atong Matgrik FC, Khliehmawlieh YC, Selsella Sports Association.
