Jowai: Sa chisien ka seiñ Society for Urban and Rural Empowerment (SURE), Jowai deiwa krehlang waka North East Slow Food and Agrobiodiversity Society daw pynman ko ya ka yaw ki warep haka 18 tarik uni u bnai ha pchem ka skur H.K. Singh School, Jowai kawa em hajan ka yaw chyiap nadooh 9 waje i step.
Ha kani ka yaw daw dai du ya ki jait jhoor kiwa rep khlem pynemkaam dawai næ sboh dawai wei daw em leh ki jhoor wa ki soh khloo.
Ki warep kiwa da kyrchaan da ka SURE kam ki Participatory Guarantee Scheme daw wanrah ki ya ki jait baam kiwa ki warep wa pynmih ki da ki hi. Daw em leh boon ki baam tynre kiwa ki warep wa chet hi ha kani ka sngi wei kamjooh leh ki baam kiwa da chna na ki soh ki pe kiwa mih cha kini hi ki thaaiñ.
Hawa yaklam waka Pasqualina Lamare kawa man kam ka Program Associate yong kani ka prokram da ong ko, “Ini man ko kam chibynta wow pynchlur ya ki warep yong i kiwa rep tynre wei kamjooh leh wow sikai ya kiwa chong chnong wow baam ki da ki jaitbaam wa tei yei doh i pran deiwa pynemkaam da ki baam tynre.”
Ka Lamare da ong ko leh wa i angnood yong ka seiñ toh wow pynman tikna ya ki yaw kiwa kam kini khnang wa ki warep u yoh myntoi ki, kamtæ da kyrpaad ya kiwa chong chnong wow wan kyrchaan ya ki warep kiwa rep khlem pynemkaam dawai.
Also Read: Daw chimkhia wow yarap ya ki warep: DC, WJH
Discussion about this post