Khliehriat: Ka East Jaiñtia Hills District Badminton Association da pyntip ko wa daw pynman ko ya ka Badminton Coaching Camp namo ka esikai hajrong ka yalehke Badminton wa mynkna.
Ya kani ka esikai u pynman ha Khliehriat, EJH hei yakrehlang wa ka yungkrehkaam u DSO kani ka District.
Kani ka esikai toh neibynta ki khynnah wa em hapyrdi 8 hadooh 17 snem i rta.
I thmu yong kani ka esikai toh wow ye u jied ya kiwa yalehke ki wow chimbynta ha ka Inter District Badminton.
Ka sngi wa khaddooh wow ye u pynpsiah pyrtuid wow embynta ha kani ka esikai toh hadooh ka 30 tarik uni u bnai.
Yow tip bniah ye u yachem wa u W. Lamare uwa man leh kam u General Secretary ka EJHDBA namo deiwa lai mih ha yungkrehkaam u DSO kani ka District.
Discussion about this post