Ka Meghalaya Chess Association (MCA) deilang wa ka Khasi Students’ Union (Central Body) kam chibynta wow kynmoo warom ya ka lyngkhooh sngi yap wa 186 yong u Tirot Sing Syiem, daw pynman ki yaka Online Chess Championship ha ka 17 tarik uni u bnai ha ka rynsan yong ka tornelo.com.
Kani ka yakob em ko ar bynta – kawa ya waroh (Open Category) wa ya kiwa hapoh ka rta 10, 12, 14, 16 wa 18 snem. Kiwa jop daw yoh ki ya ka song poisa wa ki syrnot.
Daw pynman ya kani ka lympung da ka Swiss System kawa 6 kylla wei i por man ko 10 minit 5 Second man ka kylla (Round).
Kiwa kwah wow ya chimbynta daw hap ki wow pynpsiah pyrtuid ha ka tornelo.com hadooh ka 16 tarik uni u bnai dep te thooh ya ka U Tirot Sing Online Chess Tournament yow yoh u psiah.
Lada kwah ya ka yutip wa rap bniah, ye wow SMS ha u Number 8258898775 lane lyngba ka [email protected].
Waroh kiwa chimbynta wa da dep pynpsiah pyrtuid daw yoh ki ya i link wow ya chimbynta ha kani ka yakob kawa daw sdang ha i por 12 waje i sngi yong kani ka 17 tarik.
