Jowai: Ka seiñ North East Indian Goal Football (NEIG) da pyntip ko wa ka FC Madras Residential Football Academy dei ya krehlang hi wa ka NEIG daw pynman ki ya ka Football Trial hapoh ka thaaiñ Northeast hapoh ka jylla Meghalaya, Assam, Nagaland wa Arunachal Pradesh.
I thmu yong kini ki Football Trials toh wow chem ya ki sap ki khynnah wa ka-it u yalehke Football, neibhah kini ki bynta ka ri da pynmih ki boon ki khloor yalehke Football.
Ki thaw wow pynman ya kini ki Football Trails man ki kamni ha wah:
- Ha Jowai u pynman ha Madan Jrisaleiñ ha ka 4 wa 5 tarik uni u bnai (December) nadooh 7 waje i step.
- Ha Mawkyrwat u pynman ha Jakrem Playground ha ka 6 wa 7 tarik uni u bnai (December) nadooh 7 waje i step.
- Ha Nongstoin u pynman ha NDSA Ground Nongpyndeng ha ka 8 wa 10 tarik uni u bnai (December) nadooh 7 waje i step.
- Ha Nongpoh u pynman ha Nongpoh Stadium ha ka 11 wa 12 tarik uni u bnai (December) nadooh 7 waje i step.
Kiwa yalehke kiwa em ha ka kyrdan U-9, U-13 wa U-15 kiwa kha chwa u 2008, 2005 wa 2003 emkaam ki u wanrah ya ki kot ki sla (Original) wei ym pdiang ya ki Birth Certificate kiwa dep Scan wei kiwa wanrah da ki Certificate wa da dep Scan ym chah u chimbynta ki.
Daw hap su leh ya ka bai Registration wa T. 30 kawa man kam wow yarap ya ka bai lai bai wan ki Official wa ki Volunteers.
Ya ka yutip wa rap bniah ye u phone ha kini ki number: 9383143011, 8837035740
Discussion about this post