I kreh chitom ka Meghalaya Cricket Association, Tura da mih soh i heiwa ar tylli ki yalehke ka U-19 Cooch Behar Trophy daw pynman ha Mandan Alotgre Cricket Ground yong kani ka samoi.
Neiliang ka Meghalaya Cricket Association da pynlut ko chiboon i bor yow pynchna ya ka madan deiwa yarap ka BCCI. I kreh kynthup i nadooh i pynchna ya ki dooid, i kær pood, u thung ya u phlang Bermuda Selection-1 wei wow chna ya ki kamra kylliang sula kiwa man katkam ka juk wa katni neibynta kiwa yalehke kamjooh ki Umpire wa kiwi de.
Ki ar tylli ki yalehke wa daw pynman ha Alotgre toh hapyrdi ka Meghalaya waka Jammu & Kashmir nadooh ka 19 hadooh ka 22 tarik uni u bnai wei daw pynbood biang da ka Meghalaya waka Karnataka kawa daw pynman ha ka 26 hadooh ka 29 tarik uni hi u bnai.
Ka MCA da dep ko leh wow pynbna yei pyrtuid ki 15 ngut kiwa yalehke ha kani ka U-19 Boys’ Tournament kiwa daw yahkhmat da u Navin Kumar kam u Captain wa u Bharat Gurung kam u Vice-Captain.
Ka Meghalaya daw yaleh nyngkong ko ha Mangaldai, Assam pyrchah ya ka Uttarakhand nadooh ka 5 tarik uni bnai.
Kiwa yalehke ka Meghalaya: Charm Marbaniang, Shavian P Blah, Navin Kumar (C), Jeremiah Lyngdoh Kynshi, Banialam Mylliemngap, Raghav Magotra, Bosrang R Marak, Gavineal Marpna, Anmol Sunar, Bharat Gurung (VC), Avinash Rai, Reshab Subedi, Gulgul Sangma, Mrityunjay Bharali, wa u Mrinal Das.
Meghalaya Support Staff: SP Yadav (Head Coach), Hemant Roy (Assistant Coach), Tejas R Vala (Strength and Conditioning Coach), Hamboy Langbang (Physio), Shankar Newar (Manager), Aaron G Diengdoh (Manager)
Ki yalehke ka Meghalaya:
vs Uttarakhand, 5-8 November 2022, Mangaldai (Assam)
vs Himachal Pradesh, 12-15 November 2022, Bilaspur (Himachal Pradesh)
vs Jammu and Kashmir, 19-22 November 2022, Tura
vs Karnataka, 26-29 November 2022, Tura
vs Mumbai, 3-6 December 2022, Mumbai (Maharashtra)
