Daw pynman ka AJDA ya ka yakob chaad neibynta ki khynnah ka ri-loom Jaiñtia

Jowai: Ka seiñ All Jaiñtia Dancers Association (AJDA) lyngba ka khubor wa pynlait da u President ka seiñ u K. Rymbai, da pyntip wa da chim ki ya ka rai wow pynman da ka Dance Jaiñtia Dance Dance (DJDD) Little Champs ha u snem thymme wow wan.

Ka seiñ da ong ko wa da pynman ko ya ka kani ka yakob chaad deiwa pait jngai ya ka mynried ki khynnah kiwa em i sap kawa kyrpang wa u Blai da e u ha ki.

Chooh chooh ka seiñ da ong ko wa ymye u len wa boon ki khynnah kiwa em sakhiat ya i saap chaad hapoh ri-loom Jaiñtia yong i tangwa ympoi ki cheiwon cheiwon wei sahkut ki du kamtu donhi hei yong samen neidaw wym yoh ki ka rynsaan wow pynyoo yei sap yong ki kiwa biang wow chim bynta ki.

Kamtæ na ini i daw ka seiñ da chim ko ya kani ka rai wow e laad ya ki khynnah wa em hapoh 14 snem wow yakhun ha kani ka DJDD Little Champs.

Related posts

Saam ka Kur Soo Kpoh Khadar Wyrnai ya ka song poisa cha kiwa pam Lucky Draw

May 5, 2025

Ka Result Lucky Draw ka Seng Samla Seiñ Raij Satpator

May 1, 2025

Ka seiñ da ong ko leh wa ya ki tarik wa ki khusnaam daw pynbna lyngba ki khubor ha u bnai nyngkong u snem thymme.

Yow pynsuk ya ki khynnah ka seiñ da chim ko ya ka rai wow pynman du ar tylli ki Round wa ki haap ki wow chaad ha Stage ha ka Semi Final wa ka Grand Final, wei ya ka Audition won ye ki u chaad ha kiwon kiwon ki thaw wei ya ki Video wa ki chaad ki ye u phah lynga u WhatsApp heiwa ya u number daw pynbna hadien.