Daw pynman ka Jaiñtia Truck Driver Association ya ka yalang ha ka 30 tarik

Ka Jaiñtia Truck Driver Association (JTDA) lyngba u President, u Hamedahun Niang da pyntip wa daw pynman ko ya ka General Meeting ha ka 30 tarik uni u bnai ha Toll Plaza wa em ha Ialong heipor 10:00 waje i step.

Kamtæ da khut ya ki para wa yah Truck wow wan cha kani ka yalang khlem pep yow man ki kaam kiwa lai bait lai ryntih.

I thmu kani ka General Meeting toh yow yaklam yeiwa eh ki para wa yah Truck nadooh hawa lai luti, hawa pynhaap mar wei hawa pynkit mar.

Neiliang u General Secretary ka seiñ, u Wanshanbormi Laloo da ong u wa kam kiwa yah Truck kattæ man ki kam ki masi wym em wa pait wa yoo wei da emkaam wow thooh ki laad ki luti wow yarap wei wow pynlai leh ya ka Association chakhmat yow khlan kam kiwi ki seiñ kiwa yah Truck kiwa em cha kiwi ki jylla.