Kam chibynta wow pynneh pynsah ya ka dustur riti u longchwa manchwa kamjooh leh wow e laad ya ki khon khnyroo khyllood wow pynyoo yei sap yong ki, neiliang ka Jaintia Career Coaching Centre (JCCC) daw pynman ko ya ‘Jaintia Cultural Program’ wa kynthup yei chaad Tynre, Cultural Poetry Recitation wa Cultural Drawing Competition ha ka 08-02-25 ha District Library Auditorium, Jowai.
Ha kani ka yakob, ym emkaam u su bai psiah(Free Entry), daw e leh da ka song poisa ya kiwa jop kiwa yoh nyngkong, wa ar wa kiwa yoh wa le ha kini ki le jait ki yakob.
Neiliang u u Assistant Centre Head, u B. Samayang da ong u wa kani man ko kam chibynta yong ka Extra Curriculum Activity neibynta kiwa lai puræ katkam ka (NEP 2020) yow e laad ya ki khynnah wow pynyoo yei sap wei ye ki wow wanrah da ka dhab namo ka Group yong ki kamjooh dei yong ka chnong ka thaw leh.
Kamtæ ka JCCC da kyntu ko ya waroh ki chnong, ki Seinraij, ki NGO wa kiwi kiwi wow sñiawbha phi u ya chimbynta lang ha kani ka ‘Jaintia Culural Program’ wei yow tip bniah ye phi u wan mih cha ka yung krehkaam ka JCCC næ deiwa Phone wei WhatsApp ha uni u Number-740092181 wei ye leh wow email ha [email protected].
Discussion about this post