Jowai: Ka JSU (Shillong Circle) lyngba u Publicity Secretary u Tiphimi Rymbai, da pyntip ki wa ka seiñ daw pynkup burom ko ya ki khynnah puræ kiwa da leh bha ha ki kyrdan waphær waphær wa ya kiwa yalehke kiwa na ri-loom Jaiñtia kiwa mihkhmat ya ka jylla wa yaka ri India.
Ka seiñ da e khublei kyrpang ko ya waroh kiwa da wan cha ka “All Jaintia Meet 2018” ha u snem u wa da dep kiwa da pynman yaka yalang kawa chongkun sakhiat. Kamtæ ka seiñ ha kani ka kynti leh da khut da wer ko ya waroh kiwa na ri-loom Jaiñtia kiwa chong wa sah hapoh Shillong wa East Khasi Hill District wow wan ki ha uni u snem cha ka “All Jaintia Meet 2019” ka wow pynman haka 09-11-19 nadooh 01:00 waje i sngi wei ka phang ha uni u snem toh “Chirup u yakreh lang yow bet u chara ya ka mynried”.
Ka seiñ da khut ko ya waroh ki khynnah kiwa da pass bha kiwa yoh 80% chaneiñ ha ki kyrdan puræ SSLC, HSSLC wa kiwa da pyndep ya ka Ph.D wei kamjooh ya kiwa yalehke Sports kam haka Football, Archery, Kick Boxing, Shooting, Boxing wa kiwi kiwi wow wan e pyrtuid wa pura yong ki wei wow phah (WhatsApp) ki ya ki Certificate yong ki cha kini ki number 97747-50569, 93664-01280 wei ye ki leh wow Phone ha kini ki number 70052-64971, 81328-48886.
Hadien wa kut ka yalang daw em ka put ka tem na kiwa rwai wa tem na ri-loom Khasi wa Jaiñtia kam ka laad ya ki wow pynyoo ya ka sap ka phong ha kani ka rynsan kamjooh leh wow pynwyrngia ya ki paidbah ha kani ka sngi wei u sdang ini i bynta nadooh 4 waje i janmiet chaneiñ.
Discussion about this post