Ka Khasi Students’ Union War Jaintia Circle daw pynman ko yei saam khusnaam “3rd Maitshaphrang Academic Award 2020” ya kiwa da leh bha ha ka SSLC wa HSSLC Examination 2020 kawa daw pynman haka 30th October 2020 ha Enowell Hall, Amlarem.
Ha kani ka sngi daw em leh ka pynkup burom kyrpang ya kitu kiwa da kreh chitom doh wa mynsien wow chakri ya ki paidbah ka thaaiñ War Jaiñtia waroh kawi.
I thmu yong ka seiñ wow saam khusnaam toh wow e mynsien wei wow kyntu ya ki khynroo khyllood wa puræ ka thaaiñ yow lai ki chaphrang ha ka puræ puthi ka yong ki wei kam i pynchlur ya ki wow nang poi cha ka thong kiwa chakhmat ha ki kyrdan wa puræ ki.
Ka seiñ u chim ki du ya kitu kiwa yoh 70% chaneiñ, kamtæ da kyrpaad wow pynpoi ya ki Marksheet (Xerox Copy) ha lane chwa ka 23-10-2020 wei ye leh wow Phone ha kini ki Number 7005879956, 8730959245, 9366652830, 8787529534 yow yoh yaka yutip wa bniah.
I pyntip na u Education Secretary u Shiningstar Khongiong.
