Jowai: Ka Khasi Students’ Union (KSU) da pyntip ko wa daw pynman ko yaka General Executive Council (GEC) ha ka 11 tarik uni u bnai ha Community Hall yong ka Jaiaw Shyiap-Lumpyllon, Jaiaw ha i por 12 waje pyrdi sngi.
Ha kani ka GEC daw yatai ya ki phang kiwa yatoh wa ka jaitbru wei kamjooh leh ki phang yong ka seiñ kiwa da dep chim wa kiwa daw chim.
Daw chimbynta ha kani ka GEC da waroh ki President wa ki General Secretary yong ki chnat krehkaam yong ka KSU kam ki District Unit, Area Unit, Circles, Units wa waroh ki dkhot ka Central Executive Council (CEC).
Kamtæ hajrong katai ka phang da kyntu ya waroh ki dkhot ka CEC, ki President wa General Secretary yong ki District Unit, Area Unit, Circles wa Units kiwa em ha kylleiñ ka Bri U Ynñiawtrep wa ha ki jylla Assam (Dima Hasao District & Barak Valley), Mizoram (Vairangte), Delhi, Uttarakhand (Dehradun) wa Karnataka (Bangalore & Mangalore) wow wan ya chimbynta khlem pep khnang wa ka GEC daw man ko kawa mihsoh wa kawa jop.
Discussion about this post