Ka Kur Passah, Jowai da pyntip ko wa daw pynman ko yaka Fete ka Kur ha ka 12 wa 13 tarik uni u bnai (Jan) 2024, ha Yungwalieh ka Dorbar Chnong, Chiliangraij, Jowai.
Ha kani ka Fete wa ar sngi daw em kiwa tem na Jowai wa na Shillong kamjooh ki DJ ki wow pynka’it ya ki paidbah kamjooh leh daw em ki yalehke wa ki dukan dai baam wa har rukom kiwa dai nadooh ki baam Pnar hadooh ki baam khyllah.
Ha ka 12 tarik daw tem ki Magnificent Obsession kiwa na Jowai wa u DJ Dony wei daw em leh ka Housie heiwa kawi ka Card chongdor ko Rs. 200 kawi wei ka House man ko Rs. 20,000 ya uwa yoh nyngkong, Rs. 10,000 ya uwa yoh wa ar wa Rs. 5,000 ya uwa yoh wa le wei ki Line kamjooh ki Corner waka Jolly Five won u man ki mar Rs. 1,000.
Ha ka 13 tarik nawon daw tem ki Colours kiwa na Shillong kiwa ye phi leh u kyrpaad (Request) ya ki wow tem ki ya i sur wa kwah phi u ap, wei daw em leh u DJ Ace.
Ka Housie ha kani ka sngi wa ar man ko Rs. 400 kawi ka Card wei ka House man ko Rs. 50,000 ya uwa jop nyngkong, Rs. 30,000 ya uwa jop wa ar katwa uwa yoh wa le won toh Rs. 15,000 neitæ ki Line kamjooh ki Corner waka Jolly Five won u man ki mar Rs. 1,000.
Chooh chooh ha kani ka Fete daw em leh ka Khle Nasib kawa du 1,500 tylli donhi ki Ticket heiwa kawi ka Ticket kawa dai heidur ka Card chongdor ko Rs. 200 kawi wei ki Prize man ki kamni ha wah:
1st Prize- Rs. 60,000
2nd Prize- Rs. 30,000
3rd Prize- Rs. 10,000
Ya kani ka Fete u pynman khnang wow ye u pynmih poisa yow pynmiat yaka Tpep ka Kur kawa em ha Chuwakhu, Jowai.
Kamtæ neiliang ka Kur Passah da kyntu ko ya waroh ki lok ki jor, ki kha ki man kiwa najan najngai wow wan pynchongchit ya kani ka Fete ka Kur ha kitai ki ar sngi.
Ini toh katkam i pyntip na u President wa u Secretary ka Kur Passah, Jowai.
Discussion about this post