Daw pynman ka Lei Synshar Cultural Society ya ka Youth Conference wa ar sngi ha Khliehriat

Jowai: Ka Lei Synshar Cultural Society daw pynman ko ya ka 23rd Youth Conference wa ar sngi ha Khliehriat, East Jaiñtia Hills ha ka 29 wa 30 tarik uni u bnai wei kamjooh leh daw lehwarom ko ya ka lyngkhooh snem wa 156 yong ka sngi wa yap u Woh Kiang Nangbah.

Ya kani ka Youth Conference daw pynman ha yung skur ka Seiñraij Khliehriat, Moollyngkut, East Jaiñtia Hills.

Ha ka 29 tarik daw wan wai ya kani ka Conference da u Dr. Mihshwa Tyngkan, Assistant Director ICDP Upper Shillong heipor 1:00 waje i sngi, wei ha ka sngi pynkut won itæ ha ka 30 tarik daw wan u MDC ka 21-Tuber Constituency, u Lasky Rymbai heipor 11:00 waje i sngi.

Ka thong wow pynman ya kani ka Youth Conference toh wow seiñ yurim ya ki khynroo khyllood wow man ki kiwa chlur wow kreh monsñiawbha kam kiwa yahkhmat ya ka seiñ ha jar jiar ki chnong yong ki.