Jowai: Ka Maya Sport Social Arts and Cultural Club Wahiajer, West Jaintia Hills District daw pynman biang ko yaka lympung yalehke kynjat bol wada tip kam ka 14th Invitation Knock Out Football Tournament 2018.
I thmu wow pynman ya kani ka lympung toh chibynta yow pynmih poisa neibynta u chna pynmiat yaka madan yalehke kamjooh leh yow kyntu kynrong yei sap i kiwa emsap haka yalehke kynjat bol.
Ha kani ka lympung u pdiang du ya kiwa yalehke yong ki chnong wa hap hapoh ka Thadlaskein Sport Association wei i yakhun u man ko mar 9 ngut chilliang.
Ka bai psiah neibynta kawi ka dhab u man ko T. 1500, ka bai thap pyrtuid ya kiwa yalehke u man ko T. 30 samen, katwa ka songpoisa ya kiwa rah naam joop dooh ha kani ka lympung u man ko T. 1 lak katwa kiwa rem u yoh ki T. 50 hajar.
Yaka bai psiah u pdiang nadooh ka 13 tarik hadooh ka 27 tarik uni u bnai wei yei yutip wa rap bniah ye wow phone ha u number 9436301803 / 8119808995.
Discussion about this post