Jowai: Ka Raid Kongthong da pyntip ko wa mynstep ka 27 tarik daw pynman yaka leh niam, leh rukom, ka puja pukan da u Sordar ka Raid u Kanol Majaw ka wow sdang nadooh 3 waje nohchariñ ka sngi.
Kani ka leh niam toh kawa pynman chisien chisnem kawa da seiñ da u manchwa longchwa yong ka Raid.
Hadien ka lehniam, ka puja pukan daw em ka chaad kmen ki chynrang wa kynthai katkam ka dustur riti.
Haka sngi wa bood ka 28 tarik daw em ka Chaad Ksiar Chaad Rupa heiwa ki kur ki khan na kylleiñ ki chnong daw wan chimbynta ki.
Kamtæ neiliang u Sordar da khut sñiawbha u wow wan sakhi ya kani kini ki ar sngi.
Discussion about this post