Jowai: Ka Seiñ Raij Pammanik, West Jaiñtia Hills District daw pynman ko ya ka Ngooh Blai Dem Blai wa ka Suit ka Choor ha ka 26 tarik uni u bnai neibynta dap chi snem wa da sai ya u Moopynyieñ Sahnaam uwa da pynyieñ ha ka Lympung ka Sengkhihlang kawa dep man ha uni u snem ha ka Seng Khasi Pynursla Riwar Mihngi.
Ya uni u Moopynyieñ da wanrah da ka Seiñ Raij Muthlong, Elaka Shangpung wei da tih ya oo na ka Sein Raij Pammanik.
Kamtæ ka Ngooh ka Dem u sdang ko heipor 9:00 waje i step i wow pynbood won da ki Chaad Tynre heipor 11:00 waje i wow pynbood won da i sneiñ kyntu da ki waheh ki Seiñ Raij waphær waphær.
Ya ini i lehkmen daw leh khlieh snem kamtæ ka Seiñ Raij Pammanik khut sñiawbha ko ya ki President ki Secretary na ki Seiñ Raij na ka ri 12 Dolloi wa ka Laiphew Syiem wow wan cha kani ka sngi ka wow man ha madan Govt. L.P School Pammanik.
Discussion about this post