Ka West Jaintia District Badminton Association (WJDBA) da pyntip ko wa daw pynman ya ka 12th District Open Badminton Tournament nadooh ka 18 tarik hadooh 23 tarik u Naichiphaw (Oct) 2021 ha Indoor Hall ka Seinraij Jowai, Tpep Pale.
Ka bai psiah u man ko T. 300 ha ka Single katwa ha ka Double T. 600.
Ka WJDBA da ong wa kani ka lympung daw sdang ko heipor 5:00 waje i janmiet wei da khut ya waroh wow wan ya chimbynta lang.
Ha kani ka lympung u chah du ya kiwa da dap 18 snem chaneiñ kiwa da dep yoh tika yada COVID-19.
Ki kyrdan yakhun u kynthup ki ya ka Open Men’s Single, Men’s Double, Mixed Double, Women’s Single waka Women’s Double.
Daw em leh ki kyrdan yalehke neibynta kiwa 35 snem wa 50 snem chaneiñ.
Chooh chooh ka WJDBA da dep jied ko leh ya ka Tournament Committee kawa da khlieh da u Nangebormi Suting kam u Chairman wa u Richard Mylliemngap kam u Secretary.
Kiwon kiwon kiwa kwah wow yoh ya ka yutip wa bniah yow chimbynta, ye ki wow Phone ha kini ki Number 9612167214 (Rimilan Passah), 9612623103 (Dauru Laloo), 7085452889 (Nangebormi Suting), 9436566773 (Richard Mylliemngap) chwa ka 15-10-21.
